उद्योग, वाणिज्य तथा आपूर्तिमन्त्री लेखराज भट्टले अमेरिकी सहयोग परियोजना मिलेनियम च्यालेन्स कर्पोरेसन (एमसिसी) सम्झौतामा समर्थन जनाएमा ज्यान जाने धम्की आएको बताएका छन् ।

बिहीबार संसद्को उद्योग तथा वाणिज्य श्रम तथा उपभोक्ता हित समितिको बैठकमा उनले बझाङबाट एकजनाले फोन गरेर एमसिसी परियोजनामा सहमति जनाए ज्यान जाने धम्की आएको बताएका हुन् । 

 ‘अस्ति मलाई बझाङबाट फोन आयो, तैँले एमसिसीमा सहमति जनाइस् भने टाउको काटिन्छ भने,’ मन्त्री भट्टले भने, ‘मैले भाइ तपाईंले एमसिसी पढ्नुभएको छ भनेँ, उताबाट किन पढ्नुपऱ्याे । पास नगर्ने भनेपछि नगर्ने । पढ्ने तेरो कुरो हो भने ।’