पर्सामा एकैदिन १५ जनामा कोरोना भाइरस संक्रमण पुष्टि भएको छ। संक्रमण हुनेमा तीनजना स्वास्थ्यकर्मीसहित १५ जना रहेको नारायणी अस्पतालका डाक्टर उदयनारायण सिंहले जानकारी दिए । जसमा १४ जना पुरुष र एकजना महिला रहेका छन् । संक्रमितको उमेर २३ देखि ५६ वर्षसम्म रहेको छ ।
साउन ७ देखि ११ गतेसम्म स्वाब संकलन गरी नारायणी अस्पतालको प्रयोगशालामा गरिएको परीक्षणमा उनीहरूमा संक्रमण पुष्टि भएको हो । संक्रमित सबैलाई होम क्वारेन्टाइनमा बस्न भनिएको छ ।
कोरोना विशेष अस्पताल गण्डकको आइसोलेसन वार्डमा ६१ जना संक्रमितको उपचार भइरहेकाले उनीहरूलाई घरमै बस्न भनिएको हो ।
पर्सामा हालसम्म दुई सय ७२ जनामा कोरोना संक्रमण पुष्टि भएको छ । संक्रमितको संख्या बढेपछि महानगरपालिकाले एक घर एक पिसिआर परीक्षण अभियान चलाएको छ ।