नेकपाका नेता एवं पूर्वमन्त्री जनार्दन शर्माले चितवनमा घर जलाइएका चेपाङका लागि नयाँ घर बनाइदिन सरकारलाई आग्रह गरेका छन् ।
सामाजिक सञ्जाल फेसबुकमा स्ट्याटस लेख्दै उनले सरकारलाई गल्ती सच्याउन आग्रह गर्दै दोषीमाथि कारबाही गर्न र १० दिनभित्र अन्यायमा परेका चेपाङलाई नयाँ घर बनाइदिन आग्रह गरेका हुन् ।
उनले लेखेका छन्, ‘सरकारलाई मेरो आग्रह– गल्ती सच्याऊ, दोषीलाई कारबाही गर, १० दिनमै जलेका चेपाङलाई नयाँ घर बनाइदेऊ ।’