शिक्षा, विज्ञान तथा प्रविधिमन्त्री गिरिराजमणि पोखरेलले चिकित्सा शिक्षा आयोगलाई एकीकृत परीक्षा समयमै गर्न निर्देशन दिएका छन् । आयोगको अनुगमनको क्रममा शुक्रबार पोखरेलले प्रमुख चुनौती एकीकृत प्रवेश परीक्षा भएको बताउँदै डिजिटल प्रणालीबाट काम गर्न र समयमै काम सक्न निर्देशन दिएका हुन् ।
भौतिक संरचना राम्रो रहेको भन्दै पोखरेलले औचित्य पुष्टि हुने गरी परिणाम दिन आयोग पदाधिकारीलाई अनुरोध गरेका छन् । आयोगको स्थापनापछि थोरै जनशक्ति, साधन र स्रोतको अभावबीच एमबिबिएसको छात्रवृत्ति लागू गर्नु राम्रो भएको उनको भनाइ छ ।
आयोगका पदाधिकारीले कार्यालयको कामका लागि ठाउँ अभाव भएको र जनशक्तिसमेत अभाव भएको बताएका थिए ।