Englishमुख्य समाचारसमाचारदृष्टिकोणफ्रन्ट पेजअर्थअन्तर्वार्तामल्टिमिडियाखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकस्वास्थ्य र जीवनशैलीफिचरलाेकसेवाप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०प्रदेशटर्निङ प्वाइन्ट्स-२०१९ब्लग
  • वि.सं २०७७ असोज ३ शनिबार
  • Saturday, 19 September, 2020
पहिरो पीडितका लागि सहयोग रकम हस्तान्तरण गर्दै टकमान र राजेन्द्र घले । 
नयाँ पत्रिका संखुवासभा
२०७७ श्रावण ७ बुधबार १८:१८:००
प्रदेश डिजिटल संस्करण

सिलिचोङका पहिरो विस्थापितलाई एक लाख दश हजार सहयोग  

नयाँ पत्रिका, संखुवासभा
२०७७ श्रावण ७ बुधबार १८:१८:००

कांग्रेसको भ्रातृ संगठन नेपाल तरुण दल संखुवासभाका जिल्ला सभापति टकमान घले र कांग्रेस संखुवासभा जिल्ला कार्यसमितिका सहसचिव तथा महाधिवेशन प्रतिनिधि राजेन्द्र घलेले सिलिचोङका पहिरो विस्थापितहरूलाई एक लाख दश हजार रुपैयाँ सहयोग गरेका छन् । बुधबार आयोजित एक कार्यक्रममा युवा नेताद्वयले सिलिचोङ समन्वय समिति काठमाडौंका अध्यक्ष संयोगान्त कुलुङलाई सहयोग रकम हस्तान्तरण गरेका हुन् ।

कार्यक्रममा कांग्रेसका जिल्ला सभापति दीपनकुमार श्रेष्ठ, जिल्ला सचिव निरु तामाङ (बस्नेत)लगायतको उपस्थिति थियो । सहयोग रकम हस्तान्तरण गर्दै घलेले प्राकृतिक विपत्तिको घडीमा महलमपट्टि लगाउन यो रकमले केही सहयोग गर्ने विश्वास व्यक्त गरे । यसैगरी चिचिला गाउँपालिका कार्यपालिका सदस्यसमेत रहेका घलेले दुःख र पीडाका वेला उनीहरूको आँसु पुछ्न नसके पनि केही सक्ने सहयोग गरेको बताए । 

२७ असार राति सिलिचोङ गाउँपालिका– १ बेसिन्दा गाउँमा गएको पहिरोमा बेपत्ता भएका ११ जना अझै फेला परेका छैनन् भने नौजनालाई बगाएको थियो । विस्थापित परिवारहरूलाई सोही गाउँपालिकाको बुधबारे बजार र चित्रेका अस्थायी वासस्थानमा राखिएको छ ।