भारतमा एकैदिन ३२ हजार ६ सय ९५ जनामा कोरोना संक्रमण पुष्टि भएको छ । भारतीय अधिकारीका अनुसार यो संख्या एकैदिन कोरोना पुष्टि भएको अहिलेसम्मको सबैभन्दा बढी हो । 

केन्द्रीय स्वास्थ्य तथा परिवार कल्याण मन्त्रालयले बिहीबार जनाए अनुसार पछिल्लो थपसमेत भारतमा कुल संक्रमितको संख्या नौ लाख ६८ हजार आठ सय ७६ पुगेको छ । 

संक्रमितमध्ये ६ लाख १२ हजार आठ सय १५ जना निको भइसकेका छन् । हाल संक्रमित भएर उपचाररतको संख्या भने तीन लाख ३१ हजार एक सय ४६ मात्र छ । 

त्यसैगरी भारतमा हालसम्म कोभिड १९ बाट मृत्यु हुनेका संख्या २४ हजार नौ सय १५ पुगेको छ ।