सरकारले प्रतिबद्धता गरेको माग पूरा नगरेको भन्दै इनफ इज इनफले फेरि आन्दोलन गरेको छ । कोरोना रोकथामका लागि पिसिआर परीक्षणको दायरा बढाउन तथा प्रभावकारी कदम चाल्ने माग राख्दै सत्याग्रहमा बसेका ईशान अधिकारी र पुकार बमले सरकारसँगको १२बुँदे सहमतिपछि अनशन तोडेका थिए । तर, १२बुँदे सहमति कागजमै हराएको भन्दै उनीहरूले पाटनमा पुनः आन्दोलन सुरु गरेका छन् ।
सरकार कसको लागि ?, सम्झौता केका लागि ?, सत्याग्रह नागरिकका लागि, जनताको जीवनको मूल्य छैन ? लगायतका नारा लेखिएका प्लेकार्ड बोकेर आन्दोलनमा उत्रिएका हुन् ।