Englishमुख्य समाचारसमाचारदृष्टिकोणफ्रन्ट पेजअर्थअन्तर्वार्तामल्टिमिडियाखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकस्वास्थ्य र जीवनशैलीफिचरलाेकसेवाप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०प्रदेशटर्निङ प्वाइन्ट्स-२०१९ब्लग
  • वि.सं २०७७ श्रावण २४ शनिबार
  • Saturday, 08 August, 2020
२०७७ श्रावण १ बिहीबार ०७:१०:००
अर्थ प्रिन्ट संस्करण

गण्डकी प्रदेश कोरोना कोषमा सूर्य नेपालको १ करोड सहयोग

२०७७ श्रावण १ बिहीबार ०७:१०:००

गण्डकी प्रदेश सरकारले स्थापना गरेको कोरोना भाइरस रोकथाम नियन्त्रण तथा उपचार कोषमा सूर्य नेपाल प्रालिले १ करोड रुपैयाँ सहयोग गरेको छ । कम्पनीका तर्फबाट वाणिज्य प्रमुख गौतम यादव र कारखाना व्यवस्थापक बाबुराम कार्कीले पोखरामा आयोजित कार्यक्रममा सहयोग रकमबराबरको चेक गण्डकी प्रदेशका मुख्यमन्त्री पृथ्वी सुब्बा गुरुङलाई हस्तान्तरण गरेका छन् ।

सहयोग रकमको चेक बुझेसँगै मुख्यमन्त्री गुरुङले प्रदेश सरकारले कोरोना रोकथामका लागि निजी क्षेत्रबाट पाएको सहयोगमध्ये यो सबैभन्दा धेरै रहेको बताए । उनले निजी क्षेत्रबाट पाएको सहयोगले रोगविरुद्ध लड्ने दृढतामा बल पुगेको बताए ।

यस विषम परिस्थितिमा सामाजिक उत्तरदायित्व वहन गर्दै प्रदेश सरकारसँगै अन्य संघसंस्थालाई सहयोग गरेको भन्दै सूर्य नेपाललाई उनले धन्यवादसमेत दिए । प्रदेश सरकारले स्थापना गरेको कोषमा हालसम्म ३३ करोड जम्मा भएको र १८ करोड ५० लाख खर्च भएको प्रदेश सामाजिक विकास मन्त्रालयका लेखा प्रमुख दुर्योधन गिरीले जानकारी दिए ।