नेपाल प्रहरीका दुई डिआइजी एआइजी बढुवामा सिफारिस भएका छन् । बढुवा सिफारिस समितिले निरजबहादुर शाही र प्रद्युन्न कार्कीलाई एआइजी बढुवामा सिफारिस गरेको हो ।
गृहसचिव महेश्वर न्यौपाने नेतृत्वको बढुवा सिफारिस समितिले वरीयता र कार्यक्षमताको आधारमा उनीहरूको नाम सिफारिस गरेको हो । केही जुनियर डिआइजीहरूसमेत बढुवाको दौडधुपमा भएपछि अन्ततः सिनियर डिआइजीहरू नै बढुवा सिफारिस भएका छन् ।
उनीहरू दुवैजना प्रहरी महानिरीक्षक शैलेश थापा क्षेत्रीसँगै भर्ना भएका थिए ।