पछिल्लो २४ घण्टामा देशभरका २६ वटा प्रयोशालामा गरिएको परीक्षणमा थप एक सय १६ जनामा कोरोना संक्रमण पुष्टि भएको छ ।
थपसमेत हाल नेपालमा कुल संक्रमितको संख्या १७ हजार एक सय ७७ पुगेको स्वास्थ्य तथा जनसंख्या मन्त्रालायले जनाएको छ ।
पाँच हजार ९० जनको नमूना पिसिआर विधिबाट परीक्षण गरिएको बुधबार नियमित मिडिया ब्रिफिङमा प्रवक्ता डा जागेश्वर गौतमले जानकारी दिए ।
यो अवधिमा ६ सय ९७ जना निको भएर डिस्चार्ज भएका छन् ।
हालसम्म ११ हजार २५ जना निको भएर डिस्चार्ज भएकाे मन्त्रालयले जनाएकाे छ ।
गौतमका अनुसार निको हुने प्रतिशत ६४ दशमलव २ पुगेको छ ।
हाल आइसोलेसनमा बस्ने सक्रिय संक्रमित ६ हजार एक सय १३ जना र क्वारेन्टाइनमा २४ हजार पाँच सय २७ जना रहेको गौतमले बताए ।