Englishमुख्य समाचारसमाचारदृष्टिकोणफ्रन्ट पेजअर्थअन्तर्वार्तामल्टिमिडियाखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकस्वास्थ्य र जीवनशैलीफिचरलाेकसेवाप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०प्रदेशटर्निङ प्वाइन्ट्स-२०१९ब्लग
  • वि.सं २०७७ श्रावण ३० शुक्रबार
  • Friday, 14 August, 2020
फाइल तस्बिर
नयाँ पत्रिका काठमाडौं
२०७७ असार ३१ बुधबार १५:२५:००
समाचार डिजिटल संस्करण

नेकपा विवाद : ओली–प्रचण्ड मन माझामाझमा, पार्टीभित्रको विवाद जस्ताको तस्तै

नयाँ पत्रिका, काठमाडौं
२०७७ असार ३१ बुधबार १५:२५:००

गम्भीर विवाद र राजनीतिक अन्तर्द्वन्द्वमा फसेको सत्तारुढ दल नेपाल कम्युनिस्ट पार्टीभित्रको विवाद अझै समाधान हुने संकेत देखापरेको छैन । 

प्रधानमन्त्रीनिवास बालुवाटारमा बुधबार पनि छलफलमा बसेको नेकपाका दुई अध्यक्ष केपी शर्मा ओली र पुष्पकमल दाहाल प्रचण्ड कुनै निष्कर्षमा पुग्न सकेनन् । 

उनीहरूबीच तीन घन्टा छलफल भए पनि निष्कर्ष भने निस्कन नसकेको स्रोतले जनाएको छ । बुधबारको छलफलमा भने पार्टीभित्र देखापरेको विवादका विषयमा दुई नेताले विषय केन्द्रित गरेको दाहालका प्रेस सल्लाहकार विष्णु सापकोटाले जानकारी दिए । 

उनले बिहीबार पनि फेरि छलफलमा बस्ने र उक्त छलफलमा केही सकारात्मक नतिजा आउने संकेत मिलेको बताए ।

दुई अध्यक्षबीच मंगलबार पनि बालुवाटारमा छलफल भएको थियो ।