भारतमा एकैदिन २९ हजारभन्दा बढीमा कोरोना संक्रमण पुष्टि भएको छ ।

केन्द्रीय स्वास्थ्य तथा परिवार कल्याण मन्त्रालयले भारतमा पछिल्लो २४ घन्टामा २९ हजार चार सय २९ जनामा संक्रमण पुष्टि भएको जनाएको छ । 

यो संख्या अहिलेसम्मकै सबैभन्दा धेरै भएको अधिकारीहरूले बुधबार जानकारी दिएका छन् ।

मन्त्रालयका अनुसार योसँगै भारतमा हालसम्म संक्रमित हुनेको संख्या नौ लाख ३६ हजार एक सय ८१ पुगेको छ । 

त्यसमध्ये पाँच लाख ९२ हजार ३२ जना निको भइसकेका छन् । हाल भारतमा संक्रमित अवस्थामै रहनेको संख्या भने तीन लाख १९ हजार आठ सय ४० मात्र छ । 

भारतमा अहिलेसम्म कोरोनाका काराण २४ हजार तीन सय नौजनाको मृत्यु भएको छ ।