Englishमुख्य समाचारसमाचारदृष्टिकोणफ्रन्ट पेजअर्थअन्तर्वार्तामल्टिमिडियाखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकस्वास्थ्य र जीवनशैलीफिचरलाेकसेवाप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०प्रदेशटर्निङ प्वाइन्ट्स-२०१९ब्लग
  • वि.सं २०७७ श्रावण २२ बिहीबार
  • Thursday, 06 August, 2020
नयाँ पत्रिका विराटनगर
२०७७ असार ३० मंगलबार १८:००:००
समाचार डिजिटल संस्करण

चियापसल सञ्चालक नै लागुऔषध कारोबारमा, दुई महिला पक्राउ  

नयाँ पत्रिका, विराटनगर
२०७७ असार ३० मंगलबार १८:००:००

लागुऔषध कारोबारको आरोपमा प्रहरीले विराटनगरका दुईजना चियापसलेलाई पक्रेको छ । विराटनगर महानगरपालिका– १५ रामजानकी चोकमा रहेको चिया पसलेहरूबाट लागुऔषध बरामद भएपछि मनोकामना झा र सहेदा खातुनलाई प्रहरीले मंगलबार पक्राउ गरेको हो । 

जिल्ला प्रहरी कार्यालय मोरङ र इलाका प्रहरी कार्यालय रानीबाट खटिएको प्रहरी टोलीले मनोकामनाको चिया पसलबाट विभिन्न नामका तीन बोतल र ३० थान लागुऔषध बरामद गरेको थियो भने सहेदाको चिया पसलबाट पाँच बोतल लागुऔषधसहित एक दर्जन खाली बोतल बरामद गरेको प्रहरीको भनाइ छ । दुवै चिया पसलेले लकडाउनको समयमा लागुऔषधको कारोबार गर्ने गरेको प्रहरीको दाबी छ ।  

लागुऔषध बरामद भएसँगै दुवै चिया पसलका सञ्चालकसँगै विराटनगर–१७ का  ३४ वर्षीय प्रदीप राईलाई पनि पक्राउ गरेर आवश्यक अनुसन्धान भइरहेको जिल्ला प्रहरी मोरङले जनाएको छ ।