Englishमुख्य समाचारसमाचारदृष्टिकोणफ्रन्ट पेजअर्थअन्तर्वार्तामल्टिमिडियाखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकस्वास्थ्य र जीवनशैलीफिचरलाेकसेवाप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०प्रदेशटर्निङ प्वाइन्ट्स-२०१९ब्लग
  • वि.सं २०७७ श्रावण २७ मंगलबार
  • Tuesday, 11 August, 2020
२०७७ असार २८ आइतबार १९:२७:००
प्रदेश डिजिटल संस्करण

बाढीपहिरोमा ज्यान गुमाउनेको परिवारलाई बागमती सरकारले राहत दिने

२०७७ असार २८ आइतबार १९:२७:००

बाढीपहिरोका कारण ज्यान गुमाउनेको परिवारलाई बागमती प्रदेश सरकारले राहत रकम दिने भएको छ । बागमती सरकारले राहतस्वरूप प्रतिपरिवार एक लाख रुपैयाँ उपलब्ध गराउने भएको हो । 

मन्त्रिपरिषद्को आइतबार बसेको बैठकले प्रदेशका जिल्लाहरूमा बाढीपहिरोका कारण ज्यान गुमाएका परिवारलाई एक लाख रुपैयाँ उपलब्ध गराउने निर्णय गरेको मुख्यमन्त्री तथा मन्त्रिपरिषद्को कार्यालयले जनाएको छ ।  हालसम्म बाढीपहिराेमा परी प्रदेशको विभिन्न जिल्लामा ज्यान गुमाउने २५ जनाको परिवारलाई तत्काल राहत रकम उपलब्ध गराइने भएको छ । 

मन्त्रिपरिषद् बैठकले घाइतेहरूलाई तत्काल उपचारको व्यवस्था मिलाउने र बेपत्ता भएकाहरूको खोजी कार्यलाई तीव्रता दिँदै उद्धार गर्न सम्बन्धित जिल्लाका विपद् व्यवस्थापन समन्वय समितिहरूलाई सक्रिय रहन निर्देशन दिइनेसमेत निर्णय गरेको छ । 

बैठकमा आर्थिक कार्यविधि ऐनको प्रथम संशोधन २०७७ को मस्यौदा र वातावरण संरक्षण गर्न बनेको अध्यादेश २०७७ लाई प्रदेश सभामा दर्ताका लागि स्वीकृत दिने निर्णय गरेको । स्वीकृत भएसँगै अब २ साउनमा बस्ने प्रदेश सभाको बैठकमा छलफल गर्ने गरी दुईवटा विधेयक दर्ता हुनेछ ।