प्रधानमन्त्री केपी शर्मा ओलीको पक्षमा शुक्रबार काठमाडौंको माइतीघर मण्डलामा प्रदर्शन भएको छ । युवाद्वारा गरिएको जनप्रदर्शनमा प्रधानमन्त्रीका पक्षमा नारा लगाइएको थियो । उनीहरूले ‘आज होइन भोलिलाई, हाम्रो समर्थन ओलीलाई’, ‘वैदेशिक हस्तक्षेप चाहिँदैन, सरकार ढाल्न पाइँदैन’लगायतका नारा लगाएका थिए । साथै उनीहरूले पार्टीभित्र भइरहेको विवाद समाधान गरी एकताबद्ध भई अघि बढ्न सुझाब पनि दिएका थिए ।