प्रधानमन्त्री तथा नेकपा अध्यक्ष केपी शर्मा ओली र अर्का अध्यक्ष पुष्पकमल दाहाल प्रचण्डबीच बालुवाटारमा छलफल सुरु भएको छ । पार्टीका देखिएको विवाद समाधानका लागि पछिल्लो तीन दिनदेखि ओली र प्रचण्डबीच एकल वार्ता चलिरहेको छ ।

छलफलमा ओलीले प्रधानमन्त्री र अध्यक्षबाहेकका विषयमा सहमति गरेर जान सकिने प्रस्ताव गरेका छन् भने प्रचण्डले दुईमध्ये एक पद त्याग गरेर निकास दिनुपर्ने बटमलाइन सुनाएका छन् । तर, १७ असारयता सहमतिको प्रयास गर्न भन्दै चारपटकसम्म स्थायी कमिटी बैठक स्थगित भए पनि सहमति जुट्न सकेको छैन ।