वैदेशिक रोजगार बोर्डको सदस्य नियुक्त हेम गुरुङले बोर्ड सदस्यमा नबस्ने घोषणा गरेका छन् । बोर्डको नियुक्ति विवादित भएपछि गुरुङले आफू त्यहाँ रहन असमर्थ भएको भन्दै श्रम मन्त्रालयलाई पत्र पठाएका हुन् ।
श्रम मन्त्रालयले गत विहीबार उनीसहित दुईजनालाई बोर्ड सदस्यमा नियुक्त गरेको थियो । गत आइतबार सदस्य नियुक्त भएको औपचारिक पत्र पठाइएको थियो । आफू यसअघि नै बोर्डको सदस्य भइसकेको हुँदा आगामी कार्यकालका लागि दोहोरिने इच्छा नभएको व्यवसायी हेम गुरुङले बताए ।
‘कोभिडका कारण अहिले व्यवसाय शून्यमा झरेको छ । अहिले यसलाई नै उकास्नु पर्नेछ । त्यसैले मैले बोर्डमा समय दिन नसक्ने भएकाले बस्न नचाहेको हो,’ उनले भने ।