सीमा अतिक्रमण रोक्नका लागि सरकारले सीमा क्षेत्रमा पर्खाल निर्माण गर्नुपर्ने माग अघि सारेर कञ्चनपुरका युवाहरुले बिरोध प्रर्दशन गरेका छन् ।

आइतबार युवाहरुले महेन्द्रनगरमा मातृभूमी रक्षाको माग राख्दै प्रर्दशन गरेका हुन् । सरकारले सीमा अतिक्रमण रोक्न नसकेको भन्दै युवाहरुले सरकारबिरुद्ध बिरोध प्रर्दशन गरेका हुन् । देशभरी सीमा अतिक्रमण हुँदा पनि सरकारले चासो नदिएको आरोप लगाएका छन् । त्यसैगरी क्वारेन्टाईन सुधारको माग पनि उनीहरुलेअघि सारेका छन् ।

यसैबीच कोराेना रोकथामको लागि राख्दै धिरज जोशी नेतृत्वको युवाहरुले खालीखुट्टा बिरोध प्रर्दशन गरेका छन् । क्वारेन्टाईन व्यवस्थापनकाे माग राख्कादै जोशी नेतृत्वको युवाले भीमदत्त नगरका मेयर सुरेन्द्र विष्ट र सहायक प्रमुख जिल्ला अधिकारी गोकर्ण उपाध्यायलाई ज्ञापन पत्र पनि बुझाए ।