गोरखामा कोरोना संक्रमणबाट एकजनाको मृत्यु भएको छ । पालुङटार नगरपालिकानिवासी ४४ वर्षीय पुरुषको कोरोना संक्रमणका कारण मृत्यु भएको गोरखा अस्पतालले जनाएको छ ।

गोरखा अस्पतालमा उपचारको क्रममा उनकाे शनिबार बिहान मृत्यु भएको अस्पतालका सूचना अधिकारी राजुरमण न्यौपानेले बताए । 

बिहीबार उनकाे स्वाब संकलन गरी पठाइकोमा शुक्रबार उनलाई कोरोना संक्रमण पुष्टि भएको थियो । 

दीर्घरोगीसमेत रहेका उनलाई कोरोना संक्रमण देखिएपछि जीवनज्योति माविमा रहेको क्वारेन्टाइनबाट शुक्रबार राति गोरखा अस्पतालको आइसोलेसनमा भर्ना गरिएको थियो । उनी कतारबाट पालुङटार आएका  थिए ।