बझाङको केदारस्युँ गाउँपालिका- ८ मल्लेसका १७ घर पहिरोले बगाएको छ । अविरल वर्षासँगै गाउँमाथिबाट आएको पहिरोले शुक्रबार राति केदारस्युँ गाउँपालिका-८ को मल्लेसका १७ घर बगाएको स्थानीय लोकेन्द्र विकले जानकारी दिए ।

उनका अनुसार पहिरोमा परेर सातजना बेपत्ता भएका छन् ।बझाङ जिल्ला प्रहरी कार्यालयका प्रहरी प्रमुख डिएसपी गणेश बमले उद्धारका लागि घटनास्थलमा प्रहरी टोली पठाइसकेको जानकारी दिए । 

खोला किनारमा रहेकाे बाटोमा बाढी आएका कारण प्रहरी घटनास्थल पुग्न सकेको छैन। अन्य क्षतिको विवरण आउन बाँकी छ ।