खारागाउँमा दलित समुदायका ४० र जनजाति समुदायका पाँच परिवार बस्छन् । उनीहरू डाँडोमा रहेको बस्तीबाट ३० मिनेट ओरालो झरेर भेरी नदी किनार पुग्छन् ।
भेरीको पानी बोकेर एक घन्टा उकालो हिँड्छन् ।
पानी भरेको गाग्री एक घन्टाजति नचलाएर राख्छन् ।
बालुवा थिग्रिएपछि पानी सङ्लिन्छ । त्यही पानी पिउने गरेको उनीहरू बताउँछन् ।
नदीको पानी पिउने गरेका कारण अधिकांशलाई जुका पर्ने गरेको छ ।
वर्षात्को समयमा झाडापखाला पनि लाग्ने गरेको स्थानीय बासिन्दा बताउँछन् ।