Read Time : < 1 मिनेट
२०७७ असार १९ शुक्रबार १५:५७:००
पौडी खेल्ने क्रममा शुक्रबार मोरङमा दुईजनाको डुबेर मृत्यु भएको छ । जहदा गाउँपालिका– ३ का १८ वर्षीय दिनेश राजवंशी र २० वर्षीय रिक्की राजवंशीको पोखरीमा पौडी खेल्ने क्रममा शुक्रबार दिउँसो डुबेर मृत्यु भएको हो ।
मोरङ प्रहरीका अनुसार उनीहरू शुक्रवार दिउँसो साढे १ बजे स्थानीय ब्रह्मदेव राजवंशीको पोखरीमा पौडी खेल्न गएका थिए ।
पौडी खेल्ने क्रममा डुबेका दुवैजनामध्ये रिक्कीको पोखरीमा नै मृत्यु भएको थियो भने दिनेशलाई स्थानीयले उद्धार गरी उपचारका लागि कोसी अस्पताल विराटनगर लगे पनि चिकित्सकले मृत घोषणा गरेका थिए ।