Read Time : < 1 मिनेट
२०७७ असार १९ शुक्रबार ११:४०:००
धनुषामा स्वास्थ्य चौकीको नाम राख्ने विषयमा भएकाे विवादमा झडप हुँदा दुईजना घाइते भएका छन् । जिल्लाको विदेह नगरपालिका २ र ३ को बीचमा पर्ने दुबही गोबराहीस्थित निर्माण भइरहेको स्वास्थ्य चौकीको साइनबोर्डमा नाम लेख्ने विषयमा शुक्रबार बिहान विवाद भएको थियो ।
स्थानीयले स्वास्थ्य चौकीको नाम ‘दुबही गोबराही’ नभई ‘दुबही’ मात्र लेखिनुपर्ने अडान लिएपछि झडप भएको प्रहरीले जनाएको छ ।
स्थितिलाई नियन्त्रणमा लिन प्रहरीले दुई राउन्ड हवाईफायर गरेको छ । घाइतेहरूलाई उपचारकाा लागि प्रादेशिक अस्पताल जनकपुरमा ल्याइएको छ । घाइतेको परिचय भने नखुलेको धनुषाका प्रहरी उपरीक्षक रमेश बस्नेतले जानकारी दिए ।
