डिजिटल पेमेन्टलाई प्रोत्साहन गर्ने उद्देश्यले खल्ती डिजिटल वालेटले मोबाइल एप र खल्ती डटकम वेबपेजमार्फत ‘खल्तीको दुई गुणा अफर’ योजना ल्याएको छ । योजनाअनुसार कम्पनीले ५० जना विजेतालाई दुई गुणा रकम दिने अफर ल्याएको हो ।
असार १७ देखि ११ दिनसम्म चल्ने योजनामा ग्राहकले आफूले पठाएको रकम दोब्बर बनाउने अवसर पाउने कम्पनीले जनाएको छ । योजना अवधिमा १० रुपैयाँदेखि ५ सय रुपैयाँसम्म पठाउनेको नगद दोब्बर हुने जनाइएको छ ।
योजनामा सहभागी हुनेले असार २७ सम्म आफ्नो ग्राहकको व्यक्तिगत विवरण प्रमाणित गरिसक्नुपर्ने जनाइएको छ । प्रवद्र्धनात्मक योजनामा खल्तीका सबै प्रयोगकर्ता साथै एजेन्टहरू पनि सहभागी हुन सक्ने कम्पनीले जनाएको छ । ११ दिनको अवधिमा रकम पठाउनेमध्ये ५० जना विजेताको घोषणा असार २८ मा हुने जनाइएको छ ।
विजेतालाई ग्राहकहरूले पठाएको रकममा अधिकतम ५ सय रुपैयाँसम्म खल्तीले विजेताकै खातामा उपलब्ध गराउने र विजेता नबन्ने सबै सहभागीहरूको रकम खल्तीले असार ३१ भित्र उनीहरूको डिजिटल वालेटमै फिर्ता गरिदिने जनाएको छ ।
यस योजनामा खल्तीका प्रयोगकर्ता हरेकले जतिपटक पनि सहभागिता जनाउन पाउनेछन् । खल्तीका प्रयोगकर्ताले एसएमएसमार्फत अफलाइन कारोबार पनि गर्न सक्ने जनाइएको छ ।