संयुक्त राष्ट्रसंघको अफ्रिकामा चलिरहेको शान्ति मिसनमा जाने नेपाली सेनालाई नेपाल वायुसेवा निगमका जहाजले लैजाने भएको छ ।
मध्यअफ्रिकी गणतन्त्रको मिनुस्का र मालीको मिनुस्मा मिसनमा कार्यरत नेपाली सेनालाई लैजाने तथा नेपाल ल्याउनका लागि जहाज चार्टर्ड भएको निगमले जनाएको छ । बुधबार चार्टर्ड उडान हुने भएको हो ।
काठमाडौंबाट दोहामा टेक्निकल ल्यान्डिङ गरी त्यहाँबाट अफ्रिकाको बानगुई एयरपोर्ट उडान गर्ने निगमले जानकारी दिएको छ । त्यस्तै, बानगुईबाट अफ्रिकाको माली पुग्ने र मालीबाट बिहीबार काठमाडौं आइपुग्ने तालिका रहेको निगमले जनाएको छ ।