प्रदेश १ मा बुधबार २६ जना थपिएपछि कोरोना संक्रमितको संख्या ६ सय चार पुगेको छ ।  प्रदेश १ सामाजिक विकास मन्त्रालयका अनुसार बुधबार  १४ जना महिला र १२ जना पुरुषमा संक्रमण फेला परेपछि संक्रमितकाे संख्या ६ सय चार पुगेको हो ।   

मन्त्रालयका अनुसार  झापाको मेचीनगर नगरपालिकामा ६ महिला, एक पुरुष, बुद्धशान्तिमा दुई महिला र तीन पुरुष, गौरादहमा तीन महिला चार पुरुष, गौरीगन्जमा एक पुरुष, मोरङको उर्लाबारी र केराबारीमा एक–एक पुरुष, इलामको सूर्योदयमा दुई महिला, सुनसरीको इटहरीमा एक महिला र ताप्लेजुङको फुङलिङमा एक पुरुषमा कोरोना संक्रमण भएको पृष्टि भएको छ ।