प्रदेश १ मा १४ जना कोरोनामुक्त भई सोमबार घर फर्किएका भएका छन् । कोसी अस्पताल कोभिड– १९ उपचार केन्द्रमा उपचाररत झापाका ६, मोरङका चार, सुनसरीका तीन र पाँचथरका एकजना कोरोनामुक्त भई डिस्चार्ज भएका हुन् ।
डिस्चार्ज हुनेहरूमा विराटनगर– १० की आठमहिने बालिकादेखि ५४ वर्षसम्मका रहेका छन् । उनीहरू कोभिड उपचार केन्द्रमा २७ जेठदेखि ५ असारसम्म भर्ना भएको कोभिड– १९ उपचार केन्द्र व्यवस्थापन समितिका सदस्य ध्रुव उरावले बताए । योसहित प्रदेश १ बाट कोरोनामुक्त भई डिस्चार्ज हुने तीन सय ९२ पुगेका छन् ।