फास्टट्रयाक परियोजनामा परेको ललितपुरस्थित खोकनाको विवादित जमिनमा स्थानीयले सोमबार रोपाइँ गरेका छन् । परियोजनाबाट अहिलेसम्म मुआब्जा नलिएको भन्दै उनीहरूले आफ्नो खेतमा धान रोपेका हुन् । धान रोप्न किसानले ट्रयाक्टर लिएर गएपछि प्रहरीले  परियोजनामा परेको जग्गामा खेती नगर्न भन्दै उनीहरूलाई रोकेको थियो । प्रशासन र स्थानीयबीच छलफल चलिरहे पनि सो जग्गामा रोपाइँ भएको छ ।