बेलायतमा कोरोनाविरुद्धको भ्याक्सिन तीन सयजनामा परीक्षण गर्न लागिएको छ ।
लन्डनस्थित इम्पेरियल कलेजमा तीन सयजना मानिसमा कोरोनाविरुद्धको भ्याक्सिन परीक्षण गर्न लागिएको बेलायती सञ्चारमाध्यम बिबिसीले जनाएको छ ।
यसअघि यो भ्याक्सिन जनावरमा गरिएको परीक्षणमा सफलता प्राप्त भएको जनाइएको छ । यस परीक्षणमा उक्त भ्याक्सिनले रोग प्रतिरोधात्मक क्षमता विकास गरेको पाइएको थियो ।
यस परीक्षणको नेतृत्व गरिरहेका प्रोफेसर रविन सटोकले गरिरहेका छन् ।
हाल विश्वका एक सय २० स्थानमा कोरोनाको विभिन्नखाले भ्याक्सिन बनाउने प्रयास भइरहेको छ । जसमध्ये १३ स्थानमा भने भ्याक्सिन क्लिनिकल परीक्षणको स्तरमा पुगेको बिबिसीले जनाएको छ ।
यी १३ स्थानमध्ये पाँच चीनका, तीन अमेरिकाका र दुई बेलायतका हुन् । त्यसैगरी अष्ट्रेलिया र रुसको एक–एक स्थानमा र जर्मनीको पनि एक स्थानमा कोरोनाविरुद्धको भ्याक्सिनको क्लिनिकल परीक्षण चलिरहेको छ ।