मुख्य समाचार
लागुऔषध कारोबार गरेकाे आरोपमा ललितपुरका प्रहरी निरीक्षक पक्राउ
Read Time : < 1 मिनेट
२०७७ असार ११ बिहीबार १३:५६:००
लागुऔषध कोरेक्सको कारोबारमा प्रहरी निरीक्षककै संलग्नता देखिएको छ ।
महानगरीय प्रहरी परिसर ललितपुरमा कार्यरत प्रहरी निरीक्षक रुद्रबहादुर शाही लागुऔषध कारोबार आरोपमा बिहीबार पक्राउ परेका छन् ।
लागुऔषध नियन्त्रण ब्युरोले उनलाई कार्यालयबाटै पक्राउ गरेको हो ।
ब्युरोले बुधबार बरामद गरेको ६ सय ५० बोतल काेरेक्स प्रहरी निरीक्षक शाहीले नै ओसारपसार गरेको पुष्टि भएपछि उनी पक्राउ परेका हुन् ।
पेप्सिकोलास्थित एक घरबाट सो लागुऔषध बरामद गरी एक युवकलाई सोधपुछ गर्ने क्रममा इन्स्पेक्टर शाहीले नै सो लागुऔषध आफ्नो कारमा ल्याएर त्यहाँ छाडेको खुलेको थियो ।
इन्स्पेक्टर शाही नियमित त्यहाँ जाने र आफू पनि लागुऔषध सेवन गर्ने खुलेको छ ।