सर्वोच्च अदालतले कोरोना संक्रमितलाई निश्चित समय आइसोलेसनमा राखेपछि अन्तिम परीक्षण नगरी घर पठाउने कार्य रोक्न आदेश दिएको छ । सोमबार न्यायाधीशद्वय आनन्दमोहन भट्टराई र टंकबहादुर मोक्तानको इजलासले यस्तो आदेश दिएको हो । 

आइसोलेसनमा रहेका बिरामीको संख्या र सरकारको परीक्षण क्षमता हेर्दा आइसोलेसनमा रहेका बिरामीहरूको पुनः पिसिआर गर्न सकिँदैन भन्ने नदेखिएकोसमेत सर्वोच्चले ठहर गरेको छ ।  

सरकारले जारी गरेको कोभिड–१९ को परीक्षणसम्बन्धी निर्देशिका संविधानसँग बाझिएको हुनाले कार्यान्वयन नगर्न रिटमा माग गरिएको थियो ।