Englishमुख्य समाचारसमाचारदृष्टिकोणफ्रन्ट पेजअर्थअन्तर्वार्तामल्टिमिडियाखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकस्वास्थ्य र जीवनशैलीफिचरलाेकसेवाप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०प्रदेशटर्निङ प्वाइन्ट्स-२०१९ब्लग
  • वि.सं २०७७ असोज ५ सोमबार
  • Monday, 21 September, 2020
नयाँ पत्रिका काठमाडौं
२०७७ असार ८ सोमबार ०८:२५:००
सप्तरंग

डिसहोमको अंग्रेजी सांगीतिक प्रतियोगिता सुरु

नयाँ पत्रिका, काठमाडौं
२०७७ असार ८ सोमबार ०८:२५:००

डिसहोमले डिजिटल प्लेटफर्ममार्फत ‘द स्ट्रिङ’ नामक राष्ट्रियस्तरको अंग्रेजी सांगीतिक प्रतियोगिता आयोजना गर्ने भएको छ । डिसहोमले अन्तर्राष्ट्रिय संगीत दिवसका अवसरमा प्रतियोगिता आयोजना गर्न लागेको हो । 

प्रतियोगिता ७ असारबाट सुरु भएको छ । तीन राउन्डमा सञ्चालन हुने यस प्रतियोगिताको अडिसन प्रतियोगिता सुरु भएको मितिदेखि एक महिनासम्म हुने कम्पनीले जनाएको छ । सफ्ट अंग्रेजी गीत गाउन सक्ने जोकोहीले प्रतियोगितामा भाग लिन सक्ने जनाइएको छ । प्रतियोगिताको मापदण्डअनुसार ७०, ८० र ९० दशकका सफ्ट अंग्रेजी गीतहरू मात्रै प्रतियोगितामा समावेश गराइनेछ ।

सहभागिताको छनोट डिजिटल्ली र जजद्वारा गरिने कम्पनीले जनाएको छ । वर्तमान परिस्थितिलाई मध्यनजर गर्दै यस कार्यक्रमको सञ्चालन तथा विजेताको घोषणा इन्टरनेट, फेसबुक तथा एसएमएस भोटिङमार्फत गरिने कम्पनीले जनाएको छ । 

प्रतियोगितामा सहभागी भई विजेता हुनेमध्येबाट प्रथम विजेतालाई १ लाख रुपैयाँ, स्मार्ट टिभी, सौराहा, चितवनमा रहेको होटेल रेनफरेस्टमा दुई रात र तीन दिनको प्याकेज पुरस्कार राखिएको कम्पनीले जनाएको छ । 

दोस्रोलाई ५० हजार रुपैयाँ र सौराहा, चितवनको होटेल पार्कल्यान्डमा दुई रात र तीन दिनको प्याकेज तथा तेस्रोलाई २५ हजार रुपैयाँ र धुलिखेलको जंगल रिसोर्टमा प्याकेजको व्यवस्था गरिएको डिसहोमले जनाएको छ । त्यसका साथै विजेताहरूलाई १ वर्षको रिचार्जसहितको डिसहोम जडान गरिने कम्पनीले जनाएको छ ।