सुजुकीले ल्यायो छुट, एक्सचेन्ज र फाइनान्सको योजना
सुजुकी मोटरसाइकल तथा स्कुटरका लागि नेपालको आधिकारिक विक्रेता भिजी अटोमोबाइल्सले ‘उतारचढाव आइरहन्छ, सुजुकीको साथ रहिरहन्छ’ भन्ने नाराका साथ योजना ल्याएको छ । कम्पनीले कोभिड–१९ को त्रास फैलिएको समयमा आफ्ना ग्राहकका लागि यस्तो योजना ल्याएको हो ।
योजनाअन्तर्गत सुजुकी ब्रान्डका कुनै पनि मोटरसाइकल वा स्कुटरको खरिदमा १५ हजार रुपैयाँ छुटका साथै एक्सचेन्ज र फाइनान्स सुविधा उपलब्ध गराउने योजना ल्याएको जनाइएको छ ।
कम्पनीले ग्राहकको सुविधालाई मध्यनजर गर्दै पुराना तथा चालू अवस्थाका कुनै पनि बाइक एक्सचेन्ज गर्न सकिने तथा बाइक किन्दा फाइनान्सको सुविधा पनि रहेको जनाएको छ । योजना असार १ देखि ३१ सम्म देशभर लागू हुने कम्पनीले जानकारी दिएको छ ।