प्रधानमन्त्री केपी शर्मा ओलीले नेपालको नयाँ नक्सासहित समावेश गरिएको संविधान संशोधन विधेयक प्रतिनिधिसभाबाट पारित भएसँगै अब छिमेकी मुलुक भारतसँग मिचिएको भूमि फिर्ताका लागि वार्ता हुने बताएका छन् ।

प्रतिनिधिसभाको शनिबारको बैठकबाट बाहिरिने क्रममा प्रधानमन्त्री ओलीले संविधान संशाेधनमा सर्वसम्मत मत देखिनु राष्ट्रियता र जनताको पक्षमा राम्रो कुरा भएको बताए । 

आगामी प्रक्रिया के हुन्छ भन्ने सञ्चारकर्मीहरूको प्रश्नमा प्रधानमन्त्री ओलीले भने,  ‘संविधान संशोधन एक ढंगले सर्वसम्मत रूपमा पारित भएको छ, केही सांसद अनुपस्थित हुनुभएको मात्रै हो, यसको विपक्षमा कोही छैन, अब भारतसँग वार्ता हुनेछ ।’