समाचार
यी हुन् आजको प्रतिनिधिसभामा अनुपस्थित सांसदहरू
Read Time : < 1 मिनेट
२०७७ जेठ ३१ शनिबार १८:५६:००
संविधान संशोधन विधेयक पास गर्न बोलाइएको शनिबारको प्रतिनिधिसभा बैठकमा १७ जना सांसद अनुपस्थित रहे । सांसद अमृतादेवी अग्रहरि, गोपालबहादुर बम, दुलारीदेवी खत्वेनी, धनबहादुर बुढा, नागेन्द्रकुमार चौधरी, प्रमोद साह, शिवकुमार मण्डल, सूर्यनारायण यादव, सूर्यबहादुर केसी, हरिबोल गजुरेल , ज्ञानकुमारी छन्त्याल अनुपस्थित रहेका हुन् ।
सांसदहरू हरिनारायण रौनियार, रेशम चौधरी, मोहम्मद अफताब आलम जेलमा छन्र भने विजयकुमार गच्छदार निलम्बित छन् । यस्तै सांसद सरिता गिरी बैठक बहिष्कार गरी बाहिर निस्किएकी थिइन् । प्रतिनिधिसभाको आजको बैठकले संविधानको दोस्रो संशोधन विधेयक सर्वसम्मतिले पारित गरेको छ। बैठकमा दुई सय ५८ सांसद उपस्थित थिए।