कोरोना रोकथाम तथा नियन्त्रणमा सरकारले प्रभावकारी काम गर्न नसकेको भन्दै विरोध प्रदर्शनमा उत्रिएका युवामाथि प्रहरीले काठमाडौंको नक्सालमा अश्रुग्यास र पानीको फोहाेरा प्रहार गरेको छ । 

बिहीबार विरोधमा उत्रिएकाे समूहमाथि प्रहरीले तीन राउन्ड अश्रुग्यास प्रहार गरेको हो । 

त्यसैगरी भिडलाई तितरबितर पार्न पानीको फोहाेरासमेत प्रयोग गरिएको थियो । 

प्रदर्शनमा उत्रिएकाहरूले कोरोना रोकथाम र नियन्त्रणमा सरकारले खर्च गरेको दश अर्ब रुपैयाँको विवरण सार्वजनिक गर्न पनि माग गरेका थिए ।