ज्वरो र खोकीको समस्या देखिएपछि भारतको राजधानी दिल्लीका मुख्यमन्त्री अरविन्द केजरीवालको कोरोना परीक्षण हुने भएको छ ।
काेराेना संक्रमणकाे लक्षणसँग मिल्ने ज्वरो र खोकीको समस्या देखिएपछि उनलाई कोरोना परीक्षण गराउन लागिएको बिबिसीले जनाएको छ ।
उनलाई घरमै आइसोलेसनमा राखिएको र मंगलबार दिउँसोसम्मका पूर्वनिर्धारित सबै बैठकहरू रद्द गरिएको समाचारमा जनाइएको छ ।
यसबारेमा दिल्ली सरकारले भने कुनै पनि आधिकारिक सूचना जारी गरेको छैन ।