पालिका अपडेट
कोरोना संक्रमणबाट थप एकजनाकाे मृत्यु, मृतकको संख्या १० पुग्यो
Read Time : < 1 मिनेट
२०७७ जेठ २२ बिहीबार १७:१२:००
पाल्पा पूर्वीखोलाका ४५ वर्षीय पुरुषको कोरोना संक्रमणबाट मृत्यु भएको छ ।
योसँगै नेपालमा कोरोना संक्रमणबाट मृत्यु हुनेको संख्या १० पुगेको छ ।
स्वास्थ्य मन्त्रालयका प्रवक्ता डा. विकास देवकोटाका अनुसार भारतबाट पाँच दिनअघि आएका ती पुरुषको मृत्यु २० जेठमा भएको हो ।
भारतबाट आएर स्थानीय क्वारेन्टाइनमा बसेका उनलाई श्वासप्रश्वासमा समस्या देखिएपछि पाल्पाकै मिसन अस्पतालमा भर्ना गरिएको थियो । उपचारकै क्रममा उनको मृत्यु भएको मन्त्रालयले जनाएकाे छ ।
मृत्युपछि थ्रोट स्वाब संकलन गरिएको र उक्त नमुनाको आज आएको रिपाेर्टमा कोरोना पोजेटिभ देखिएको देवकाेटाले जानकारी दिए ।