काठमाडाैं उपत्यकाभित्र पुरानो बजारमध्येमा पर्ने असन तथा इन्द्रचोक क्षेत्रमा लकडाउनको अवज्ञा गर्दै केही पसल खुला गरिएको छ ।

सरकारले कर तिर्न ताकेता गरेको, तर केही समय पनि पसल तथा व्यवसाय खोल्न भने नदिएको भन्दै व्यवसायीहरूले विरोध जनाउँदै आएका छन् । 

सोही क्रममा बिहीबार बिहान असन तथा इन्द्रचोक क्षेत्र र आपसासका क्षेत्रका व्यवसायीमध्ये केहीले आ–आफ्नो पसल खोलेका हुन् । 

यस क्षेत्रका केही पसल खुले पनि ग्राहकको उपस्थिति भने खासै देखिएको थिएन । 

सरकारले पछिल्लोपटक लकडाउनको अवधि बढाएर यही ३२ जेठसम्म पुऱ्याएको छ । 

तस्बिर : दीपेन्द्र ढुंगाना