विद्युतीय सवारीसाधनमा भन्सार दर बढाएको भन्दै व्यवसायीको विरोध
विद्युतीय सवारीसाधनको भन्सार दर बढाइएको भन्दै अटोमोबाइल्स व्यवसायीहरूले विरोध जनाएका छन् ।
अटोमोबाइल व्यवसायीहरूको संस्था ‘नाडा अटोमोबाइल्स एसाेसिएसन अफ नेपाल’ले आइतबार पत्रकार सम्मेलन गरी सरकारले बजेटमार्फत विद्युतीय सवारीसाधनमा भन्सार दर बढाएको भन्दै विरोध जनाएको हो ।
नाडाका अध्यक्ष कृष्णप्रसाद दुलालले सरकारको दोहोरो र अनिश्चित मापदण्डबाट विद्युतीय सवारीसाधनको व्यवसायमा संलग्न व्यवसायीको लगानी डुब्ने खतरा रहेको बताए ।
उनले यसअघि सरकारले विद्युतीय सवारीसाधनको प्रयोगलाई प्रोत्साहन गरेपछि व्यवसायीले लगानी बढाएको अवस्थामा फेरि पेट्रोलियम सवारीसाधनमा जस्तै कर लगाउँदा सवारीसाधनको मूल्य महँगो पर्न जाने भएकाले व्यवसायीको लगानी डुब्ने खतरा रहेको बताए ।
उनले कर बढाउँदा सवारीसाधनको मूल्य बढ्ने र उपभोक्ताले प्रयोग गर्न नसक्ने भएकाले व्यवसायीको लगानी डुब्ने बताए ।
विद्युतीय सवारीको कर बढाउँदा मूल्य बढने र विद्युतीय सवारीसाधन कसैले पनि प्रयोग नगर्ने भएकाले विद्युत् खपत पनि नबढ्ने अध्यक्ष दुलालले बताए ।
उनले देशभित्र उत्पादित उद्युतको खपत बढाउनका लागि पनि विद्युतीय सवारीसाधनमा कर वृद्धि गर्न नहुने बताए ।