सिफारिसमुख्य समाचारसमाचारदृष्टिकोणफ्रन्ट पेजअर्थमल्टिमिडियाअन्तर्वार्तानयाँCityखेलकुदविश्वकोरोना अपडेटप्रवासब्लगकर्नर किकसम्पादकीयस्वास्थ्य र जीवनशैलीराजनीति१३औँ वार्षिकोत्सव विशेषांकसाहित्यब्लाे अपशिक्षापर्यटनसेयर बजारफिचरलाेकसेवाप्रेरक प्रसंग१२औँ वार्षिकोत्सव विशेषांकसप्तरंगप्रविधि
  • वि.सं २०७७ असार २२ सोमबार
  • Monday, 06 July, 2020
करण ताम्राकार डडेल्धुरा
२०७७ जेठ १८ आइतबार १०:४५:००
समाचार

क्वारेन्टाइनमा बालकको मृत्यु, स्वाब परीक्षण हुन बाँकी

करण ताम्राकार, डडेल्धुरा
२०७७ जेठ १८ आइतबार १०:४५:००

डडेल्धुरामा क्वारेन्टाइनमा बसेका एक बालकको मृत्यु भएको छ। नवदुर्गा गाउँपालिका– ३ का साढे ६ वर्षीय बालकको शनिबार राति क्वारेन्टाइनमै मृत्यु भएको हो।

प्रहरी नायब उपरीक्षक दधिराम न्यौपानेका अनुसार शनिबार राति १२ बजेतिर जिल्ला सदरमुकामनजिकै रहेको डडेल्धुरा बहुमुखी क्याम्पसको क्वारेन्टाइनमा राखिएका बालककाे मृत्यु भएको हो। 

आमाबाबुसँगै उनी केही दिनअघि भारतको मुम्बईबाट गौरीफन्टा नाका हुँदै डडेल्धुरा आएका थिए। डडेल्धुरा अस्पतालका निमित्त मेडिकल सुपरिटेन्डेन्ट डा. जगदीशचन्द्र विष्टले बालकलाई अस्पताल पुऱ्याउनुअघि नै मृत्यु भएको जानकारी दिए। बालकलाई आइतबार बिहान ३ बजे अस्पताल पुऱ्याइएको थियो।

‘बिहान अभिभावकले अस्पताल ल्याउनुभएको थियो,’ विष्टले भने, ‘तर, बालककाे  अस्पताल ल्याउनुअघि नै मृत्यु भइसकेको थियो।’ बालक मलेरिया रोगबाट ग्रसित रहेको बुझिएको डा. विष्टले बताए। यसअघि उनलाई मुम्बईमा रहेको एक अस्पतालमा उपचार गरिएको थियो।

बालकको शव अहिले डडेल्धुरा अस्पतालमा राखिएको छ। कोरोना परीक्षणका लागि बालकको आइतबारै थ्रोट स्वाब संकलन गरिने विष्टले बताए।