पालिका अपडेट
कोरोनामाथि विजय : नवलपुरमा एक कोरोना संक्रमित महिला निको भई डिस्चार्ज
Read Time : < 1 मिनेट
२०७७ जेठ १७ शनिबार १५:३७:००
पूर्वी नवलपरासीको देवचुली नगरपालिकाकी एक कोरोना संक्रमित महिला निको भएर डिस्चार्ज भएकी छिन् ।
सशस्त्र प्रहरी अस्पताल काठमाडौंमा उपचाररत २४ वर्षीया महिला शनिबार अस्पतालबाट डिस्चार्ज भएको जिल्ला स्वास्थ्य कार्यालय पूर्वी नवलपरासीका प्रमुख केशव चापागाईंले जानकारी दिए ।
रुपन्देही घर भएकी ती महिला १९ वैशाखमा रुपन्देहीबाट नवलपरासीको चौधरी ग्रामअगाडि रहेको आफ्नो माइतीमा दश दिन बसेर २९ गते काठमाडौं गएकी थिइन् ।
उनमा परीक्षण गर्दा कोरोना संक्रमण देखिएको थियो ।
नवलपुरमा अहिलेसम्म ६ जनामा कोरोना संक्रमण देखिएकोमा पाँचजना उपचाररत रहेका छन् भने एकजना ती महिला निको भएर डिस्चार्ज भएकी छिन् ।