आगामी आर्थिक वर्षमा पनि मध्यपहाडी राजमार्गमा पर्ने १० नयाँ सहर विकास गर्ने कार्य सुचारु राखिने भएको छ ।
अर्थमन्त्री डा. युवराज खतिवडाले आगामी आर्थिक वर्ष ०७७/७८ को बजेट प्रस्तुत गर्दै मध्यपहाडी राजमार्गमा पर्ने १० नयाँ सहर विकास गर्ने कार्य सुचारु राखिने जनाएका हुन् । ती नयाँ सहर विकास गर्न दुई अर्ब रुपैयाँ विनियोजन गरिएको छ । त्यस्तै, सार्वजनिक–निजी साझेदारीमा काठमाडौं उपत्यकामा चार सहर विकास गरिने भएको छ ।