सरकारले भक्तपुरबाट सुरु भएको रात्रिकालीन सम्पदा यात्रा कार्यक्रमलाई उपत्यकाव्यापी बनाउने भएको छ ।
अर्थमन्त्री युवराज खतिवडाले आउँदो वर्षको बजेट प्रस्तुत गर्दै विश्व सम्पदा सूचीको भक्तपुर दरबार स्क्वायर क्षेत्रमा पर्यटकलक्षित रात्रिकालीन सम्पदा यात्रा कार्यक्रमलाई काठमाडौं र ललितपुरका सम्पदा क्षेत्रमा समेत सञ्चालन गरिने बताए ।
उनले कीर्तिपुरमा राष्ट्रिय संस्कृति संग्रहालय निर्माणको काम अघि बढाउने र उपयुक्त ठाउँमा बृहत् सहिद पार्क निर्माणको काम अघि बढाउने बताए ।
मन्त्री खतिवडाले नेपालमा रहेका विश्व सम्पदा क्षेत्रको संरक्षणमा उचित ध्यान पुऱ्याइने र तिलौराकोटलाई विश्व सम्पदा सूचीमा सूचीकृत गर्न आवश्यक पहल थालिने बताए ।