वीरगन्जको गण्डक अस्पतालको आइसोलेसन वार्डमा रहेका चारजना संक्रमित बुधबार डिस्चार्ज भएका छन्। डिस्चार्ज हुनेमा दुई पुरुष र दुई महिला छन्।
अस्पतालमा भर्ना भएदेखि दुईपटक स्वाब परीक्षणको रिपोर्ट नेगेटिभ आएपछि उनीहरूलाई डिस्चार्ज गरिएको नारायणी अस्पतालका मेसु डा. मदन उपाध्यायले जानकारी दिए । बुधबार राति ८ बजे डिस्चार्ज गरिएका संक्रमित सबै पर्साका हुन्।
पछिल्लो चार दिनयता पर्साको नारायणी र गण्डक अस्पतालको आइसोलेसन वार्डबाट ९५ जना कोरोना संक्रमित निको भएर घर फर्किसकेका छन्।