Read Time : < 1 मिनेट
२०७७ जेठ ९ शुक्रबार १५:३२:००
सरकारले हालै जारी गरेको नेपालको नयाँ नक्सालाई संविधानमा समावेश गर्न संविधान संशोधनका लागि प्रस्ताव दर्ता गराएको छ ।
कानुनमन्त्री शिवमाया तुम्बाहाङफेले संसद् सचिवालयमा संशोधन प्रस्ताव दर्ता गराएकी हुन् ।
उनले अनुसूची ३ मा रहेको नेपालको निशान छापभित्र रहेको नक्सालाई वास्तविक सीमाअनुसार मिलाउन संविधान संशोधन गर्न संशोधन प्रस्ताव दर्ता गरेकी हुन् ।
केहीबेर अघि बसेको मन्त्रिपरिषद् बैठकले नेपालको संविधानको अनुसूची ३ लाई संशोधन गर्ने निर्णय गरेको थियो ।
लिपुलेक, लिम्पियाधुरा र कालापानीसमेत समेटेर नेपालको नयाँ नक्सा जारी भएपछि संविधान संशोधनको आवश्यकता परेको हो ।
