Englishमुख्य समाचारसमाचारदृष्टिकोणफ्रन्ट पेजअर्थअन्तर्वार्तामल्टिमिडियाखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकस्वास्थ्य र जीवनशैलीफिचरलाेकसेवाप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०प्रदेशटर्निङ प्वाइन्ट्स-२०१९ब्लग
  • वि.सं २०७७ श्रावण ३० शुक्रबार
  • Friday, 14 August, 2020
नयाँ पत्रिका काठमाडौं
२०७७ जेठ ९ शुक्रबार १२:३९:००
समाचार

राष्ट्रिय स्वाधीनताको रक्षामा सरकारसँगै छौँ : प्रदीप पौडेल

नयाँ पत्रिका, काठमाडौं
२०७७ जेठ ९ शुक्रबार १२:३९:००

नेपाली कांग्रेसका युवा नेता प्रदीप पौडेलले राष्ट्रिय स्वाधीनताको रक्षाको सन्दर्भमा नेपाली कांग्रेसको सरकारलाई साथ रहेको जनाएका छन् ।

उनले घरेलु राजनीतिमा प्रधानमन्त्री केपी ओलीसँग हजारौँ विमति रहे पनि राष्ट्रिय स्वाधीनताको रक्षामा सरकारलाई साथ दिने बताएका हुन् । 

सरकारले नेपाली भूमि कालापानी, लिपुलेक र लिम्पियाधुरालाई समेट्दै नयाँ नक्सा सार्वजनिक गरेपछि सामाजिक सञ्जालमा ट्विट गर्दै पौडेलले राष्ट्रियताको मुद्दामा डटेर अडान लिन सरकारलाई आग्रह गरेका हुन् । 

‘घरेलु राजनीतिमा सरकार र प्रधानमन्त्रीसँग हजारौँ विमति होलान्, तर राष्ट्रिय स्वाधीनताको रक्षाको मामिलामा हामी सरकारसँगै छौँ । सरकारले डटेर अडान लिनैपर्छ, हामी साथमा छौँ,’ उनले ट्विटमा लेखेका छन्, ‘केही भारतीय मिडियाको सनसनीपूर्ण शैली खेदजनक छ । मिडियाले पत्रकारिता सिक्नै बाँकी रहेको दृश्य टिठलाग्दो हुनेरहेछ ।’