कुमारी बैंक लिमिटेडले आफ्नो संस्थागत सामाजिक उत्तरदायित्वअन्तर्गत नेपाल ट्राफिक प्रहरीलाई १ सय लिटर स्यानिटाइजर सहयोग गरेको छ ।
कोरोना महामारीको घडीमा अत्यावश्यक स्यानिटाइजर रामशाहपथस्थित महानगर पुलिस कार्यालयमा एक समारोहबीच बैंकले हस्तान्तरण गरेको हो । कुमारी बैंककी अनुषा शाक्यले एसएसपी भीमप्रसाद ढकाललाई स्यानिटाइजर हस्तान्तरण गरेकी हुन् ।
सहारा नेपाललाई बैंकको सहयोग
बैंकले सामाजिक उत्तरदायित्वअन्तर्गत चन्द्रगढी शाखाले ‘एकका लागि एक अभियान’का साथ झापाका क्वारेन्टाइनमा खाद्य सामग्री वितरण गर्दै आएको सहारा नेपाललाई खाद्यान्न सहयोग गरेको छ । बैंकले सहारा नेपालमार्फत संस्थालाई १ हजार किलो खाद्यान्न हस्तान्तरण गरेको हो । चन्द्रगढी शाखा प्रमुख उशितपा पाण्डेले सहारा नेपालका कार्यकारी प्रमुख महेन्द्रकुमार गिरीलाई खाद्यान्न सामग्री हस्तान्तरण गरेकी हुन् ।
कोरोनाको प्रकोपलाई फैलिन नदिन र क्वारेन्टाइन व्यवस्थापनलगायतका लागि सहयोग गरेको बैंकले जनाएको छ । लकडाउनको विषम परिस्थितिमा पनि बैंकले आफ्ना ग्राहकलाई शाखा र एटिएममार्फत निरन्तर बैंकिङ सुविधा प्रदान गरिरहेको छ ।