प्रदेश
फलफूल र तरकारी ल्याउन निषेध
Read Time : < 1 मिनेट
२०७७ जेठ ८ बिहीबार १२:२५:००
गोदावरी नगरपालिका क्षेत्रमा कालिमाटी, बल्खु र बानेश्वरका बजारबाट फलफूल तथा तरकारी आयात गर्न निषेध गरिएको छ ।
कोरोना भाइरसको जोखिम हुन नदिन नगरपालिकाले उक्त तीन स्थानका फलफूल तथा तरकारी प्रयोग नगर्न नगरवासीलाई आग्रह गरेको हो ।
नगरप्रमुख गजेन्द्र महर्जनले सूचना जारी गर्दै कालिमाटी, बल्खु र बानेश्वरबाट आउने फलफूल तथा तरकारी ल्याई व्यापारीले बिक्री–वितरण गरेको पाइएमा कडाभन्दा कडा कारबाही गरिने उल्लेख छ । यसैगरी नगरपालिकाका सबै वडामा अत्यावश्यक खाद्यवस्तु बिक्री–वितरणका लागि बिहान ५ देखि ११ बजेसम्मका लागि मात्र पसल खुला गर्न सूचनामा अपिल गरिएको छ ।