लकडाउनमा अभावको फाइदा उठाउँदै महँगोमा सस्तो रक्सी मिसाएर बिक्री गर्ने एक व्यापारीलाई प्रहरीले पक्राउ गरेको छ ।

चल्तीमा रहेको गोल्डेन ओक रक्सीमा सस्ता रक्सीहरू मिसाएर बिक्री गर्ने  विराटनगर महानगरपालिका–६ का डिएन ट्रेडर्सका सञ्चालक श्रवण मुखियालाई मोरङ प्रहरीले पक्राउ गरेको हो ।

मुखियाले सस्तो मूल्यको मदिरालाई महँगोको बोतलमा भरेर बेच्ने गरेको सूचना पाएपछि प्रहरीले मंगलबार दिउँसो पसलमा छापा मारेको थियो । प्रहरीले विभिन्न ब्राण्डका मदिरा र राजस्वको स्टिकर तथा बिर्कोको सिल पनि बरामद गरेको मोरङका एसपी विश्व अधिकारीले बताए ।